കെവിന്‍ റൂഡ് വീണ്ടും ഓസ്‌ട്രേലിയന്‍ പ്രധാനമന്ത്രിയായി സ്ഥാനമേറ്റു. നിലവിലെ പ്രധാനമന്ത്രി ജൂലിയ ഗില്ലാര്‍ഡിനെ പരാജയപ്പെടുത്തിയാണ് റൂഡ് പ്രധാനമന്ത്രിയായത്. കെവിന്‍ റൂഡ് കാന്‍ബറയിലെ ഗവണ്‍മെന്റ് ഹൗസില്‍ ഗവര്‍ണര്‍ ജനറല്‍ ക്വിന്റിന്‍ ബ്രൈസിന് മുമ്പാകെ പ്രധാനമന്ത്രിയായി സത്യപ്രതിജ്ഞ ചെയ്തു.
ഓസ്‌ട്രേലിയയില്‍ അടുത്ത സപ്തംബറില്‍ പൊതുതിരഞ്ഞെടുപ്പ് നടക്കാനിരിക്കുകയാണ്. പുതിയ പ്രധാനമന്ത്രി റൂഡിനെ ലിബറല്‍ പാര്‍ട്ടി അംഗമായ പ്രതിപക്ഷനേതാവ് ടോണി ആബൊട്ട് അഭിനന്ദിച്ചു.
നേരത്തെ പ്രസ്താവിച്ചതിന്‍ പ്രകാരം സജീവ രാഷ്ട്രീയത്തില്‍ നിന്ന് വിരമിക്കുകയാണെന്ന് 52 കാരിയായ ജൂലിയ ഗില്ലാര്‍ഡ് അറിയിച്ചു.
