പൂര്‍വ്വികര്‍ അനുഷ്ഠാനങ്ങളില്‍ വരുത്തിയ പിഴവ്‌, പരദേവതാ പ്രീതി ഇല്ലാതാവുക, ധര്‍മ്മഭ്രംശം സംഭവിക്കുക, എന്നിവ വൈധവ്യവിധി നല്‍കുമെന്നാണ് പണ്ഡിതമതം പറയുന്നത്. ശിവനെ ഭജിക്കുന്നതാണ്‌ വൈധവ്യം അകറ്റാനുള്ള മാര്‍ഗ്ഗമായി പറയപ്പെടുന്നത്‌. "ഓം ശിവ ശക്തി ഐക്യരൂപേണ്യേ നമ: "എന്ന്‌ 108 ഉരു(തവണ) ജപിക്കുന്നത്‌ ഫലം തരുമെന്നാണ് വിശ്വാസം.
സ്ത്രീജാതകത്തില്‍ വൈധവ്യം തിരിച്ചറിയാന്‍ വഴിയുണ്ട്‌. ആയില്യം, കാര്‍ത്തിക, ചതയം എന്നീ നാളുകളും ഞായര്‍, ശനി ചൊവ്വ എന്നീ ദിവസങ്ങളും ദ്വിതീയ,സപ്തമി, ദ്വാദശി, എന്നീ തിഥികളും ചേര്‍ന്ന ദിവസം ജനിക്കുന്നവര്‍ക്ക്‌ വൈധവ്യദോഷമുണ്ടെന്നാണ്‌ വിധി.
