മീന്‍ കറിയില്ലാതെ ഊണ് കഴിക്കാന്‍ പറ്റാത്തവരാണ് നമ്മളില്‍ ഭൂരിഭാഗം പേരും. എന്നാല്‍ പലപ്പോഴും നമ്മള്‍ വലിയ ആഗ്രഹത്തോടെ വാങ്ങി കൊണ്ടുവരുന്ന മീന്‍ കറിവെച്ച് കഴിയുമ്പോള്‍ വിചാരിച്ച രുചി കിട്ടാറില്ല. അതിനു കാരണം മീനിന്റെ പഴക്കമാണ്. ഫ്രീസ് ചെയ്ത മീനാണ് പലപ്പോഴും മാര്‍ക്കറ്റുകളില്‍ ലഭിക്കുന്നത്. മീന്‍ വാങ്ങുമ്പോള്‍ ശ്രദ്ധിക്കേണ്ട ചില കാര്യങ്ങളുണ്ട്. മീന്‍ പഴകിയതാണോ എന്നറിയാന്‍ ഇക്കാര്യങ്ങള്‍ നോക്കിയാല്‍ മതി.
മീനിന്റെ കണ്ണുകള്‍ കുഴിഞ്ഞു തുടങ്ങിയിട്ടുണ്ടെങ്കില്‍ അത് പഴക്കം ചെന്ന, കേടായി തുടങ്ങിയ മീന്‍ ആണ്. നല്ല മത്സ്യത്തിന് തിളക്കമുള്ള കണ്ണുകള്‍ ആയിരിക്കും. ചെകിളയ്ക്ക് ചേറിന്റെ (ചെളി) നിറമാണെങ്കില്‍ മീന്‍ കേടായിട്ടുണ്ട് എന്നാണ് അര്‍ത്ഥം. നല്ല മത്സ്യത്തിന്റെ ചെകിള രക്ത നിറമായിരിക്കും.
