ഏറ്റവും ഭയാനകരമായ അസുഖങ്ങളില്‍ ഒന്നാണ് ക്യാന്‍സര്‍. നമുക്ക് തുടക്കത്തില്‍ കണ്ടു പിടിക്കാന്‍ സാധിക്കാത്ത അസുഖമാണ് ക്യാന്‍സര്‍. എന്ത് അസുഖമാകട്ടെ അതിന്റെ ലക്ഷണങ്ങള്‍ ശരീരത്തില്‍ കണ്ടാല്‍ മാത്രമേ പലരും പരിശോധനയ്ക്ക് തയ്യാറാകുകയുള്ളൂ. എന്നാല്‍ ക്യാന്‍സര്‍ നമ്മുടെ ശരീരത്തില്‍ വളരുന്നുണ്ടോ എന്ന കാര്യം ചില ലക്ഷണങ്ങളിലൂടെ നമുക്ക് മനസ്സിലാക്കാന്‍ കഴിയും.
നഖത്തിന് താഴെ കറുപ്പ് നിറം കാണുന്നുണ്ടെങ്കില്‍ അത് കരളിലെ ക്യാന്‍സറിനുള്ള സാധ്യതയായിരിക്കാമെന്ന് ചില പഠനങ്ങള്‍ വ്യക്തമാക്കുന്നുണ്ട്. ശ്വാസതടസ്സമോ അലര്‍ജിയോ ഇല്ലാതിരുന്ന ഒരാള്‍ക്ക് പെട്ടെന്ന് ശ്വാസതടസ്സം അനുഭവപ്പെടുകയും അത് ദിവസങ്ങളോളം നീണ്ടു നില്‍ക്കുകയും ചെയ്യുന്നുണ്ടെങ്കില്‍ ഉടന്‍ തന്നെ പരിശോധനയ്ക്ക് വിധേയമാകണം. പലപ്പോഴും ശ്വാസകോശ ക്യാന്‍സറിന് ഇത് കാരണമായേക്കാം.
സ്തനങ്ങളില്‍ മാറ്റം ഉണ്ടാവുന്നതും ശ്രദ്ധിക്കേണ്ട ഒന്നാണ്. നിപ്പിളിനു ചുറ്റും ചുവന്ന പാടുകളും വിട്ടു മാറാത്ത വേദനയും കല്ലപ്പും മുഴകളും പലപ്പോഴും സ്തനാര്‍ബുദത്തിന് കാരണമാകറുണ്ട്. അതുപോലെ പുരുഷ ലൈംഗികാവയവത്തില്‍ അമിതമായ വേദനയും നീര്‍ക്കെട്ടും ഉണ്ടെങ്കില്‍ അത് പലപ്പോഴും പ്രോസ്‌റ്റേറ്റ് ക്യാന്‍സര്‍ കാരണമാകാം.
