ഇന്ത്യക്കായി 150 മത്സരങ്ങളില് നിന്ന് 94 ഗോളുകള് നേടിയ ഛേത്രി 39-ാം വയസ്സിലാണ് വിരമിക്കുന്നത്. 2005 ജൂണ് 12-ന് പാക്കിസ്ഥാനെതിരായ സൗഹൃദ മത്സരത്തിലായിരുന്നു ഛേത്രിയുടെ അരങ്ങേറ്റം. ആ കളിയില്തന്നെ ഗോളും നേടി. ക്വറ്റയിലെ അയൂബ് സ്റ്റേഡിയത്തില് നടന്ന കളിയില് 65-ാം മിനിറ്റിലാണ് ഛേത്രി കന്നിഗോള് നേടിയത്. മത്സരം സമനിലയില് കലാശിച്ചു. അന്താരാഷ്ട്ര ഫുട്ബോളില് സജീവമായി കളിക്കുന്നവരില് ഗോള്നേട്ടത്തില് മൂന്നാമതാണ് താരം.
