മെസിയുമായി രണ്ട് വർഷത്തെ കരാറാണ് പിഎസ്‌ജി ഒപ്പിട്ടിരിക്കുന്നത്. കരാർ ഒരു വർഷം കൂടി നീട്ടാവുന്നതാണ്. കരാർ പ്രകാരം ആഴ്ചയില്‍ 769,230 യൂറോ (ഏഴു കോടിയോളം രൂപ) ആയിരിക്കും മെസിയുടെ പ്രതിഫലം. ഇത് പ്രകാരം പ്രതിവർഷം 350 കോടി രൂപയായിരിക്കും മെസ്സിക്ക് പ്രതിഫലമായി ലഭിക്കുക.
ഒരു ദിവസം 109,890 യൂറോയാണ് (96 ലക്ഷത്തോളം രൂപ) മെസ്സിയുടെ പ്രതിഫലം. ഇതനുസരിച്ച് മിനിറ്റിന് 6,634 ഇന്ത്യൻ രൂപയായിരിക്കും പ്രതിഫലമായി സൂപ്പർതാരത്തിന് ലഭിക്കുക. വിവിധ പ്രകടനങ്ങളെ അടിസ്ഥാനമാക്കിയുള്ള ബോണസുകളും കരാര്‍ ഒപ്പിടുന്ന സമയത്ത് നല്‍കുന്ന തുകയും ഉൾപ്പെടുത്താതെയുള്ള കണക്കാണിത്.
