സൂപ്പർകപ്പിന്റെ ആദ്യ റൗണ്ട് നറുക്കെടുപ്പ് പൂർത്തിയായി. കേരളാബ്ലാസ്റ്റേഴ്സ് നെറോക്ക എഫ് സിയെയാണ് ആദ്യം നേരിടുക. ഐ ലീഗിൽ രണ്ടാം സ്ഥാനക്കാരാണ് നെറോക്ക എഫ് സി. ഐ എസ് എൽ ലീഗ് മത്സരങ്ങളിൽ ആറാം സ്ഥാനത്തെത്തിയ ബ്ലസ്റ്റേഴ്സ് സൂപ്പർ കപ്പിലേക്ക് നേരത്തേ യോഗ്യത നേടിയിരുന്നു. ഏപ്രില്‍ ആറിനാണ് ബ്ലാസ്റ്റേഴ്സും നെറോക്ക എഫ് സിയും തമ്മിൽ ഏറ്റുമുട്ടുക.
മാർച്ച് 15നും 16നുമായി നടക്കുന്ന യോഗ്യത മത്സരങ്ങളിലൂടെ സൂപ്പർ കപ്പിനു തുടക്കമാകും. ബെംഗളുരു, എഫ് സി ഗോവ, മോഹന്‍ ബഗാന്‍, ഈസ്റ്റ് ബംഗാള്‍ തുടങ്ങിയ ടിമുകൾ യോഗ്യതാ റൗണ്ടില്‍ നിന്ന് യോഗ്യത നേടുന്ന ടീമുകളോടാണ് ആദ്യം ഏറ്റുമുട്ടുക.
