ഐഎസ്എല്‍ : അവസാന നിമിഷം പൂനെ എഫ്സിക്ക് ജയം
ഇന്ത്യന്‍ സൂപ്പര്‍ ലീഗില്‍ അവസാന നിമിഷം പൂനെ എഫ്സിക്ക് നാടകീയ ജയം. നോർത്ത് ഈസ്റ്റ് യുണൈറ്റഡിനെതിരെയാണ് 88-മത് മിനിട്ടിൽ ഗുസെൻസാണ് പൂനെയുടെ വിജയഗോൾ നേടിയത്.
കളി ഗോൾ രഹിത സമനിലയിലേക്ക് നീങ്ങവേയാണ് പൂനെയുടെ വിജയ ഗോള്‍ പിറന്നത്. ജയത്തോടെ അവസാന സ്ഥാനത്തായിരുന്ന പൂനെ നാലാംസ്ഥാനത്തേക്ക് ഉയർന്നു. അഞ്ച് മത്സരങ്ങളിൽനിന്മ്പൂനെയ്ക്ക് 7 പോയിന്റാണ് ഉള്ളത്. അതേസമയം 6മത്സരങ്ങളിൽനിന്ന് 8 പോയിന്റുമായി നോർത്ത് ഈസ്റ്റ് മൂന്നാംസ്ഥാനത്ത് തുടരുകയാണ്.
ആദ്യ പകുതിയില്‍ ഇരു ടീമുകളും ഗോളിനായി മികച്ച ശ്രമങ്ങള്‍ നടത്തിയെങ്കിലും ഗോള്‍ മാത്രം മാറി നിന്നു. രണ്ടാം പകുതിയിലും ഇതേ അവസ്ഥ തുടരവെയാണ് പൂനെയ്ക്ക് ഗുസെൻസ് വിജയ ഗോള്‍ സമ്മാനിച്ചത്.
