അന്താരാഷ്ട്ര സൗഹൃദ മത്സരത്തില്‍ ഇക്വഡോറിനെ കീഴടക്കി ബ്രസീല്‍.ഏക പക്ഷീയമായ ഒരു ഗോളിനായിരുന്നു ജയം. ബ്രസീലിനുവേണ്ടി ഇക്വഡോറിന്റെ ഗോള്‍ വല കുലുക്കിയ ഡിഫന്‍ഡര്‍ വില്ലെയ്‌നാണ് ബ്രസീലിന്റെ വിജയ ശില്പി.
ബ്രസീല്‍ ഗോള്‍ അടിച്ച് ആറ് മിനിറ്റിനു ശേഷം ഇക്വഡോറിന് തിരിച്ചടിക്കാന്‍ ഒരവസരം ലഭിച്ചിരുന്നു.എന്നാല്‍ ഗോളി ജെഫേഴ്സണെ പിന്നിട്ട് പോയ എന്നെര്‍ വലന്‍സിയയുടെ ഷോട്ട് പോസ്റ്റിന്റെ ചുവട്ടിലിടിച്ച് വഴിമാറി പോകുകയായിരുന്നു.
ബ്രസീലിന്റെ അടുത്ത മത്സരം ഒക്ടോബര്‍ 11ന് അര്‍ജന്റീനയ്ക്കെതിരെയാണ്. നേരത്തെ കഴിഞ്ഞയാഴ്ച കൊളംബിയയെയും ബ്രസീല്‍ തോല്പിച്ചിരുന്നു. പരിശീലകനായി തിരിച്ചെത്തിയ ദുംഗയുടെ തുടര്‍ച്ചയായ രണ്ടാം വിജയമാണിത്.
