ഇന്ത്യന്‍ ക്രിക്കറ്റ് ടീം അംഗങ്ങളായ കെ എല്‍ രാഹുലും ഹാര്‍ദിക് പാണ്ഡ്യയും പങ്കെടുത്ത കരണ്‍ ജോഹര്‍ അവതരിപ്പിച്ച കോഫി വിത്ത് കരണ്‍ എന്ന പരിപാടി ഏറെ വിവാദങ്ങളുണ്ടാക്കിയിരുന്നു. തങ്ങളുടെ സ്വകാര്യ ജീവിതത്തെ കുറിച്ച് പരിപാടിയിൽ തുറന്നു പറഞ്ഞതോടെ ഇരുവരും വെട്ടിലാവുകയായിരുന്നു. സ്ത്രീവിരുദ്ധ പരാമർശം നടത്തിയ ഇവരോട് ബിസിസിഐ കാരണം കാണിക്കൽ നോട്ടീസ് നൽകി.
മുൻ‌താരങ്ങളടക്കമുള്ള പലരം ഇവർക്കെതിരെ നിലപാട് കടുപ്പിച്ചു. പിന്നാലെ രണ്ട് പേരേയും ബിസിസിഐ സസ്പെൻഡ് ചെയ്തു. വിവാദങ്ങൾ അപ്രതീക്ഷിതമായതിനാൽ തന്നെ രാഹുലിനും പാണ്ഡ്യയ്ക്കും എന്താണ് ചെയ്യേണ്ടത് എന്ന് അറിയാതെ ആയി. ഇരുവരും ശേഷം, സുഹൃത്തുക്കൾക്കും കുടുംബത്തിനുമൊപ്പം തന്നെ ആയിരുന്നു.
