കരിയറില്‍ വലിയ കയറ്റിറക്കങ്ങള്‍ കണ്ട നടനാണ് ജയറാം. ഏറെ വര്‍ഷങ്ങളായി അദ്ദേഹം നായകനാകുന്ന ചിത്രങ്ങള്‍ മികച്ച വിജയം കരസ്ഥമാക്കുന്നതില്‍ പിന്നാക്കം പോകുന്നുണ്ട്. എന്തായാലും ഇപ്പോള്‍ തിരിച്ചറിവിന്‍റെ പാതയിലാണ് മലയാളത്തിന്‍റെ പ്രിയനടന്‍. അഭിനയപ്രാധാന്യമുള്ള മികച്ച വേഷങ്ങള്‍ക്കാണ് ഇപ്പോള്‍ അദ്ദേഹം പ്രാധാന്യം നല്‍കുന്നത്.
ജയറാമിന്‍റെ പതിവ് രീതികളും രൂപവുമൊന്നും ഈ സിനിമയില്‍ ഉണ്ടാവില്ല. തല മൊട്ടയടിച്ച, കുടവയറുള്ള രൂപത്തിലാണ് ജയറാം ഈ സിനിമയില്‍. മാത്രമല്ല, ഈ കഥാപാത്രം പാലക്കാടന്‍ ഭാഷയാണ് സംസാരിക്കുന്നത്. ഒട്ടേറെ പക്ഷിമൃഗാദികളുടെ സാന്നിധ്യവും ചിത്രത്തിന്‍റെ ഹൈലൈറ്റായിരിക്കും.
കുഞ്ചാക്കോ ബോബന്‍ കലേഷ് എം എല്‍ എ എന്ന കഥാപാത്രത്തെയാണ് അവതരിപ്പിക്കുന്നത്. അനുശ്രീ നായികയാകുന്ന ചിത്രത്തില്‍ പ്രേംകുമാര്‍, അശോകന്‍, ബാലാജി ശര്‍മ, ധര്‍മ്മജന്‍, മണിയന്‍‌പിള്ള രാജു, സലിം കുമാര്‍ തുടങ്ങിയവരും സുപ്രധാന കഥാപാത്രങ്ങളെ അവതരിപ്പിക്കുന്നു.
