മമ്മൂട്ടിയെന്ന നടന്റെ കരിയറിലെ മികച്ച ചിത്രങ്ങളെടുത്ത് നോക്കിയാൽ അതിൽ മൃഗയയും ഉണ്ടാകും. മാസ് അതിഥി വേഷത്തിൽ മോഹൻലാലിന്റെ മദ്രാസ് മെയിലും. എന്നാൽ, ഈ രണ്ട് ചിത്രങ്ങളും ഷൂട്ട് ചെയ്തത് ഒരേ ദിവസങ്ങളിൽ ആണ്.
നടനും നിർമാതാവുമായ മണിയൻപിള്ള രാജുവാണ് ഇക്കാര്യം ഒരിക്കൽ ഒരു അഭിമുഖത്തിൽ പറഞ്ഞത്. പകൽ മുഴുവൻ മൃഗയയുടെ സെറ്റിലും രാത്രി മുഴുവൻ മദ്രാസ് മെയിലിന്റെ ലൊക്കേഷനിലും ചിലവഴിച്ച മമ്മൂട്ടിയെ മണിയൻ പിള്ള രാജു ഓർത്തെടുക്കുന്നു. രണ്ട് ചിത്രങ്ങളിലേയും രൂപം അത്രമേൽ വ്യത്യസ്തമായിരുന്നു എന്നതാണ് മറ്റൊരു കാര്യം. മമ്മൂട്ടിയുടെ വേഷം കണ്ട് അമ്പരന്നിട്ടുണ്ടെന്നും അദ്ദേഹം പറഞ്ഞു.
പിന്നീട് പത്മരാജന്‍ സംവിധാനം ചെയ്ത കൂടെവിടെ എന്ന ചിത്രത്തിലാണ് ഇരുവരും ആദ്യമായി ഒന്നിച്ചത്. ആ സമയത്തെ‌ല്ലാം മമ്മൂട്ടിയെക്കുറി‌ച്ച് നിരവധി ഗോസിപ്പുകളായിരുന്നു ഉണ്ടായിരുന്നത്. മമ്മൂട്ടിയ്ക്ക് ജാഡയാണ്, അഹങ്കാരിയാണ് എന്നെല്ലാം ആയിടയ്ക്ക് പലരും പറയുമായിരുന്നു. എന്നാല്‍ ഈ പറയുന്നതൊന്നും മമ്മൂട്ടിയിലില്ല എന്ന യാഥാര്‍ത്ഥ്യം രാജു തിരിച്ചറിയുന്നതും ആ സിനിമയുടെ ലൊക്കേഷനിൽ വെച്ചായിരുന്നു.
