സൂര്യയെ നായകനാക്കി എ ആര്‍ മുരുഗദോസ് സംവിധാനം ചെയ്യുന്ന തമിഴ് ചിത്രത്തില്‍ പ്രധാന കഥാപാത്രത്തെ മലയാളത്തിന്‍റെ സൂപ്പര്‍ നായിക മഞ്ജു വാര്യര്‍ അവതരിപ്പിക്കുന്നു. സിനിമയിലെ ഏറ്റവും ശക്തമായ സ്ത്രീ കഥാപാത്രത്തെ മഞ്ജുവിന് നല്‍കണമെന്ന് സൂര്യ തന്നെ സംവിധായകനെ നിര്‍ബന്ധിച്ചതായി റിപ്പോര്‍ട്ടുകള്‍. ചിത്രത്തിലേക്ക് മഞ്ജുവിനെ ക്ഷണിച്ചതും സൂര്യയാണെന്നാണ് വിവരം.
'കത്തി' എന്ന മെഗാഹിറ്റിന് ശേഷം എ ആര്‍ മുരുഗദോസിന് മൂന്ന് പ്രൊജക്ടുകളാണുള്ളത്. സൊനാക്ഷി സിന്‍‌ഹയെ നായികയാക്കിയുള്ള ഹിന്ദിച്ചിത്രം, വിക്രമിനെ നായകനാക്കിയുള്ള തമിഴ് ചിത്രം, സൂര്യ - മഞ്ജു വാര്യര്‍ ചിത്രം.
