"ഏറ്റവും ദുരൂഹവും ദുര്‍ഗ്രഹവുമായ പാതകള്‍ ഭൂമിയിലല്ല... മനുഷ്യമനസ്സുകളിലാണ്‌" - ലാല്‍ ജോസ് സംവിധാനം ചെയ്യുന്ന പുതിയ സിനിമ 'നീന'യെ സംവിധായകന്‍ പരിചയപ്പെടുത്തുന്നതിങ്ങനെയാണ്. രണ്ട് സ്ത്രീകളുടെ കഥയെന്നാണ് ചിത്രത്തിന്‍റെ ടാഗ്‌ലൈന്‍. ഒരിടവേളയ്ക്ക് ശേഷം സ്ത്രീപ്രാധാന്യമുള്ള ചിത്രവുമായി ലാല്‍ ജോസ് വീണ്ടും വരികയാണ്.
നീന, നളിനി എന്നീ സ്ത്രീകളുടെ കഥയാണ് നീന. യഥാര്‍ത്ഥത്തില്‍ 'നീ - ന' എന്നാണ് ചിത്രത്തിന്‍റെ ടൈറ്റില്‍. ചിത്രത്തില്‍ വിജയ് ബാബു ഒരു പ്രധാന കഥാപാത്രത്തെ അവതരിപ്പിക്കുന്നു. നീനയായും നളിനിയായും പുതുമുഖങ്ങള്‍ അഭിനയിക്കുമെന്നാണ് റിപ്പോര്‍ട്ടുകള്‍.
