മലയാള സിനിമയില്‍ ഇപ്പോള്‍ സൌഹൃദക്കൂട്ടായ്മകള്‍ കുറയുകയാണോ? പഴയകാലത്തെ അപേക്ഷിച്ച് കുറയുകയാണെന്ന് പറയുന്നുണ്ടെങ്കിലും അത്തരം കൂട്ടായ്മകള്‍ മൊത്തമായി നഷ്ടപ്പെട്ടു എന്ന് പറയുക വയ്യ. സൌഹൃദത്തിന്‍റെ പുറത്ത് മാത്രം നിര്‍മ്മിക്കപ്പെടുന്ന എത്രയോ സിനിമകള്‍ ഇക്കാലത്തുണ്ടായി! വിനീത് ശ്രീനിവാസനെ കേന്ദ്രീകരിച്ചുതന്നെ എത്ര സിനിമകള്‍ രൂപപ്പെട്ടു!
ഇപ്പോഴിതാ, ആസിഫ് അലിയെ നായകനാക്കി പൃഥ്വിരാജ് സിനിമ നിര്‍മ്മിക്കുകയാണ്. ‘അനുരാഗ കരിക്കിന്‍‌വെള്ളം’ എന്നാണ് ചിത്രത്തിന് പേര്. അങ്ങനെ സ്വന്തം നിര്‍മ്മാണക്കമ്പനി ഒരുക്കുന്ന ചിത്രങ്ങളില്‍ മറ്റ് താരങ്ങളെ നായകന്‍‌മാരാക്കുന്ന എത്ര താരങ്ങളുണ്ടാവും? അപൂര്‍വ്വം എന്നല്ലേ പറയാനുള്ളൂ.
