ലിജോ ജോസ് പെല്ലിശ്ശേരി വീണ്ടും. 'ആമേന്‍' കഴിഞ്ഞ് വലിയ ഇടവേളയ്ക്ക് ശേഷമാണ് ലിജോ അടുത്ത സംരംഭവുമായി എത്തുന്നത്. വലിയ ബജറ്റ് ആവശ്യമായ പ്രൊജക്ട് ആയതിനാല്‍ 'ഡബിള്‍ ബാരല്‍' ഏറെ സമയമെടുത്താണ് പൂര്‍ത്തിയാക്കുന്നത്. പൃഥ്വിരാജിന്‍റെ ഓഗസ്റ്റ് സിനിമയും ആമേന്‍ മൊണാസ്റ്ററിയും ചേര്‍ന്നാണ് കോടികള്‍ മുതല്‍മുടക്കുള്ള ചിത്രം നിര്‍മ്മിച്ചിരിക്കുന്നത്.
വലിയ താരനിരയും അസാധാരണമായ പ്രമേയവുമാണ് ഇരട്ടക്കുഴലിന്‍റെ പ്രധാന ആകര്‍ഷണം. പൃഥ്വിരാജ്, ആര്യ, ഇന്ദ്രജിത്ത് തുടങ്ങിയ നീണ്ടതാരനിര സിനിമയിലുണ്ട്. ഉറുമിക്ക് ശേഷം ആര്യയുടെ മലയാള സിനിമയാണ് ഡബിള്‍ ബാരല്‍. ഉറുമിയില്‍ കാമിയോ റോള്‍ ആയിരുന്നെങ്കില്‍ ഈ സിനിമയില്‍ നായകനിരയില്‍ ഒരാളാണ്.
