നടന്‍ സണ്ണി വെയ്ന്‍ നിര്‍മ്മാണ രംഗത്തേക്ക് ചുവട് വെയ്ക്കുന്നത് കുറച്ച് ദിവസങ്ങൾക്ക് മുമ്പ് പ്രഖ്യാപിച്ചിരുന്നു. ലിജു കൃഷ്ണ രചനയും സംവിധാനവും നിര്‍വഹിച്ച 'മൊമന്റ് ജസ്റ്റ് ബിഫോര്‍ ഡെത്ത്' എന്ന നാടകമാണ് സണ്ണി വെയ്ന്‍ പ്രൊഡക്ഷന്‍സിലൂടെ ആദ്യമെത്തുന്നത്. ജൂണ്‍ പത്തിന് വേദിയിലെത്തുന്ന നാടകത്തിന്റെ ട്രെയിലര്‍ ഇന്ന് വൈകുന്നേരം ദുല്‍ഖര്‍ സല്‍മാന്‍ തന്റെ ഫേസ്‌ബുക്ക് പേജിലൂടെ ലോഞ്ച് ചെയ്യും.
പ്രാദേശിക ചരിത്രത്തിന്റെ കെട്ടുപാടുകളെ കുറിച്ചും അവരുടെ ഭാഷയുമാണ് നാടകത്തിന്റെ പ്രമേയം. അന്തര്‍ദേശിയവും ദേശീയവുമായ നാടകോത്സവങ്ങളില്‍ ഇത് പ്രദര്‍ശിപ്പിച്ചിട്ടുണ്ട്. കൂടാതെ ഈ നാടകത്തിന് ആറു വിഭാഗങ്ങളിലായി നോമിനേഷന്‍ ലഭിച്ചിട്ടുണ്ട്. ബെസ്റ്റ് ഡിസൈനർ, ബെസ്റ്റ് ആക്ടര്‍ വിഭാഗങ്ങളില്‍ അവാർഡും കരസ്ഥമാക്കിയിട്ടുണ്ട്.
