ബോളിവുഡിലെ കിങ്ഖാന്‍ ഷാരൂഖാനാണ് സോഷ്യല്‍ മീഡിയയിലെ ഇപ്പോഴത്തെ ചര്‍ച്ചാ വിഷയം. ആരാധകര്‍ക്കുള്ള പുതുവര്‍ഷ സമ്മാനമായി തീര്‍ത്തും വ്യത്യസ്തമായ വേഷത്തില്‍ താരം പ്രത്യക്ഷപ്പെട്ടിരിക്കുകയാണ്. പ്രശസ്ത സംവിധാനയകന്‍ ആനന്ദ് എല്‍ റായിയുടെ പുതിയ ചിത്രമായ സീറോയില്‍ മൂന്നടിയുള്ള ഇത്തിരി കുള്ളനായെത്തിയ ഷാരൂഖിനെ കണ്ട് ഞെട്ടിയിരിക്കുകയാണ് ആരാധകര്‍.
ഷാരുഖാന്‍ തന്റെ ട്വിറ്ററിലൂടെയാണ് ചിത്രത്തിന്റെ ടൈറ്റില്‍ ടീസര്‍ പുറത്ത് വിട്ടത്. ‘എന്റെ ജീവിതമാകുന്ന മേളയുടെ ടിക്കറ്റ് എടുത്തു കാത്തിരിക്കുന്നവരേ, കളി പൂര്‍ണ്ണമാവുക തന്നെ വേണമല്ലോ’ എന്നാണ് ഷാരൂഖ് ട്വിറ്ററില്‍ കുറിച്ചത്.
