ഷാരൂഖ് ഖാന് നേര്ക്ക് വധഭീഷണി നടത്തിയ അഭിഭാഷകന് അറസ്റ്റില്. ഛത്തീസ്ഗഢിലെ റായ്പൂര് സ്വദേശിയായ അഭിഭാഷകന് ഫൈസാന് ഖാനാണ് അറസ്റ്റിലായത്. ഫൈസാന്റെ പേരില് രജിസ്റ്റര് ചെയ്ത ഫോണ് നമ്പറില് നിന്നാണ് താരത്തിന് ഭീഷണി കോള് വന്നതെന്നാണ് പ്രാഥമിക വിവരം. ചോദ്യം ചെയ്യലില് തന്റെ ഫോണ് നഷ്ടപ്പെട്ടുവെന്നും നവംബര് 2 ന് ഖമര്ദിഹ് പോലീസ് സ്റ്റേഷനില് ഇതുമായി ബന്ധപ്പെട്ട് പരാതി നല്കിയെന്നും അഭിഭാഷകന് പോലീസിനോട് പറഞ്ഞു.
