സത്യൻ അന്തിക്കാടിന്റെ വാക്കുകളിലൂടെ:
പ്രേക്ഷകന്റെ അഭിരുചികളോട് ചേർന്ന് നിൽക്കുമ്പോഴാണ് ഒരു സിനിമ പ്രിയപ്പെട്ടതാകുന്നത്. അടുത്ത കാലത്ത് അങ്ങനെ കുറെ ചിത്രങ്ങളോട് ഇഷ്ടം തോന്നിയിട്ടുണ്ട്. ഏറ്റവും പുതിയ ഇഷ്ടം 'അനുരാഗ കരിക്കിൻവെള്ള'ത്തിനോടാണ്. കാണുന്നത് സിനിമയല്ല, ജീവിതം തന്നെയാണെന്ന തോന്നലുണ്ടാക്കാൻ സംവിധായകനും എഴുത്തുകാരനും കഴിഞ്ഞിരിക്കുന്നു.
നന്മയുള്ള- വിശുദ്ധിയുള്ള ചിരി ഈ ചിത്രം സമ്മാനിക്കുന്നു. സന്തോഷമുണ്ട്. കണ്ടുമടുത്ത പതിവ് കാഴ്ചകളിൽ നിന്ന് മലയാളസിനിമയും മാറുകയാണ്. ഖാലിദ് റഹ്മാന് നന്ദി പറയുന്നു. ഒപ്പം സ്വാഭാവികമായ സംഭാഷണങ്ങളെഴുതിയ നവീൻ ഭാസ്കറിനും, അതിമനോഹര ദൃശ്യങ്ങളൊരുക്കിയ ജിംഷി ഖാലിദിനും.
ബിജു മേനോനും, ആസിഫ് അലിയും, ആശാ ശരത്തും, പുതിയ നായികയുമടക്കം എല്ലാവരും അതിശയിപ്പിക്കും വിധം അഭിനയിച്ചു. ഓരോ ചലനത്തിലും ചിരിയൊളിപ്പിക്കുന്ന സൗബിൻ ഷാഹിർ പ്രത്യേകിച്ചും.
