ആഘോഷിക്കാനുള്ള ഓരോ നിമിഷവും വെറുതെ കളയാന്‍ നടി രഞ്ജിത മേനോന് ഇഷ്ടമല്ല. നിരവധി യാത്രകള്‍ നടത്താറുള്ള താരം സുഹൃത്തുക്കള്‍ക്കൊപ്പം ആയിരുന്നു ഇത്തവണ ന്യൂ ഇയര്‍ ആഘോഷിച്ചത്.
'സന്തോഷകരമായ ഒരു വര്‍ത്തമാനകാലവും നന്നായി ഓര്‍മ്മിക്കുന്ന ഭൂതകാലവും മികച്ച പുതുവര്‍ഷ സമ്മാനമാണ്!
എല്ലാവര്‍ക്കും പുതുവത്സരാശംസകള്‍'-എന്നാണ് ചിത്രങ്ങള്‍ പങ്കുവെച്ചുകൊണ്ട് രഞ്ജിത കുറിച്ചത്.
മോഡലായി കരിയര്‍ ആരംഭിച്ച താരം പിന്നീട് അഭിനയത്തിലേക്ക് കടക്കുകയായിരുന്നു. അരുണ്‍ ചന്തു സംവിധാനം ചെയ്ത സാജന്‍ ബേക്കറി സിന്‍സ് 1962 എന്ന ചിത്രത്തില്‍ നായികയായി അഭിനയിച്ചതോടെ നടി കൂടുതല്‍ ശ്രദ്ധിക്കപ്പെട്ടു.
