എന്നാല്‍ നമ്പര്‍ 20 മദ്രാസ് മെയിലിന്‍റെ തിരക്കഥ മറ്റൊരാളെ ഉപയോഗിച്ച് ജോഷി തിരുത്തി എന്ന കാരണത്താല്‍ ഡെന്നിസ് ജോസഫും ജോഷിയും തമ്മില്‍ ചില അസ്വാരസ്യങ്ങള്‍ ഉടലെടുക്കുന്നത് അക്കാലത്താണ്. നായര്‍സാബിന്‍റെ തിരക്കഥയിലും ഡെന്നിസിന്‍റെ അനുമതിയില്ലാതെ ജോഷി മറ്റൊരാളെക്കൊണ്ട് ഇടപെടല്‍ നടന്നതായി ആരോപണമുയര്‍ന്നു. ഇതോടെ ജോഷിയും ഡെന്നിസും മാനസികമായി അകന്നു. ഒരുമിച്ച് ഒരു സിനിമ ചെയ്യാനുള്ള മാനസികാവസ്ഥയിലേക്ക് എത്താന്‍ കഴിയാത്തതിനാല്‍ ന്യൂഡല്‍ഹിയുടെ രണ്ടാം ഭാഗം സംഭവിച്ചില്ല.
