നീല കളറിലുള്ള ടീ ഷര്‍ട്ടായിരുന്നു മോഹന്‍ലാല്‍ ധരിച്ചിരുന്നത്. പതിവിലും വ്യത്യസ്തമായി മോഹന്‍ലാല്‍ ഒരു സണ്‍ഗ്ലാസ് ധരിക്കുകയും ചെയ്തിരുന്നു. പരിപാടിയില്‍ പങ്കെടുക്കാനെത്തിയപ്പോള്‍ മുതല്‍ പോവുന്നത് വരെ മുഖത്ത് നിന്നും താരം ഗ്ലാസ് മാറ്റിയിരുന്നില്ല. കാരണം അദ്ദേഹം ധരിച്ചിരുന്നത് ക്യാമറ ഘടിപ്പിച്ച പ്രത്യേക സണ്‍ഗ്ലാസായിരുന്നുവെന്നാണ് വിവരം.
സിനിമയിലല്ലാതെ സണ്‍ഗ്ലാസ് ധരിച്ച് മോഹന്‍ലാലെത്തിയതിന് പിന്നില്‍ എന്തെങ്കിലും കാരണമുണ്ടോയെന്നാണ് സോഷ്യല്‍ മീഡിയ ചോദിക്കുന്നത്. എന്നാല്‍ അതിന് താരം തന്നെ മറുപടി നല്‍കി. തന്റെ പുതിയ ലുക്ക് ആരാധകര്‍ എങ്ങനെ സ്വീകരിച്ചെന്നും അവരുടെ പ്രതികരണം എങ്ങനെയായിരിക്കുമെന്ന് അറിയാനാണ് താന്‍ അങ്ങനെ ചെയ്തതെന്നും താരം വ്യക്തമാക്കി.
