ഇന്ദ്രജിത്ത്, സലിം കുമാർ, അജു വർഗ്ഗീസ്, സൗബിൻ ഷാഹിൻ എന്നിവർ പ്രധാന കഥാപാത്രങ്ങളായെത്തിയ ചിത്രത്തിന്റെ സംവിധാനം നിർവഹിച്ചത് സാജിത് യഹിയയാണ്. കടുത്ത മോഹൻലാൽ ആരാധികയായ യുവതിയുടെ ബാല്യത്തിലൂടെയും കൗമാരത്തിലൂടെയുമാണ് ചിത്രം മുന്നോട്ടുപോകുന്നത്. ചിത്രത്തിലെ പാട്ടുകളെല്ലാം ഇതിനോടകം തന്നെ മികച്ച പ്രതികരണം നേടിയിരുന്നു. ചിത്രം ഇപ്പോഴും തിയറ്ററിൽ പ്രദർശനം തുടരുന്നുണ്ട്.
ചിത്രത്തിൽ അഭിനയിക്കാൻ ജ്യോതിക തയ്യാറായിട്ടുണ്ടോ എന്നതിന് ഔദ്യോഗിക റിപ്പോർട്ടുകളൊന്നുമില്ല. ഇതിന് മുമ്പ് മഞ്‌ജുവാര്യർ നായികയായ 'ഹൗ ഓൾഡ് ആർ യൂ' തമിഴിൽ റീമേക്ക് ചെയ്‌തപ്പോൾ ജ്യോതിക തന്നെയായിരുന്നു പ്രധാന വേഷത്തിലെത്തിയത്. ചിത്രം മികച്ച വിജയം നേടിയിരുന്നു. ഇപ്പോൾ മണിരത്നം ചിത്രമായ 'ചെക്കാ സെവന്തവാന'ത്തിൽ അഭിനയിക്കുകയാണ് ജ്യോതിക.
