ആരാധകരുടെ ചോദ്യങ്ങൾക്ക് വിരാമമിട്ട് പ്രണവ് മോഹൻലാൽ നായകനായി വെള്ളിത്തിരയിലേക്ക് വരുന്നു. മോഹൻലാൽ ആണ് ഇക്കാര്യം ഫേസ്ബുക്കിലൂടെ അറിയിച്ചത്. ജീത്തു ജോസഫ് സംവിധാനം ചെയ്യുന്ന ചിത്രത്തിലൂടെയാണ് പ്രണവ് നായകനായി വരുന്നത്. ആന്റണി പെരുമ്പാവൂർ ആണ് ചിത്രം നിർമിക്കുന്നത്. ദൃശ്യം എന്ന മെഗാഹിറ്റ് ചിത്രത്തിന് ശേഷം ആശിർവാദ് സിനിമാസിന്റെ ബാനറിൽ പുറത്തിറങ്ങുന്ന ത്രില്ലർ മൂവിയാണ് ഇതെന്നും മോഹൻലാൽ വ്യക്തമാക്കുന്നു.