അതേസമയം, കുഞ്ഞാലിമരക്കാരോട് ഏറ്റുമുട്ടുന്നത് മമ്മൂട്ടിച്ചിത്രം ‘വണ്‍’ ആയിരിക്കുമെന്ന് സൂചന. രണ്ടും ഒരേദിവസം റിലീസ് ചെയ്യാനാണ് സാധ്യതയെന്നും സൂചനകള്‍ ലഭിക്കുന്നു. പൊളിറ്റിക്കല്‍ - ഫാമിലി ത്രില്ലറായാണ് വണ്‍ ഒരുങ്ങുന്നത്. സന്തോഷ് വിശ്വനാഥ് സംവിധാനം ചെയ്ത സിനിമയ്ക്ക് സഞ്‌ജയ് - ബോബി ടീമാണ് തിരക്കഥ രചിച്ചിരിക്കുന്നത്.
‘മരക്കാര്‍: അറബിക്കടലിന്‍റെ സിംഹം’ ഐമാക്‍സ് ഫോര്‍മാറ്റിലും ഒരുങ്ങുന്നുണ്ട്. ഈ സിനിമയ്ക്ക് ഒരു ചൈനീസ് പതിപ്പും ഉണ്ടാകും. സുനില്‍ ഷെട്ടി, അര്‍ജുന്‍ സര്‍ജ, പ്രഭു, സുഹാസിനി മണിരത്‌നം, മഞ്ജു വാര്യര്‍, നെടുമുടി വേണു, കീര്‍ത്തി സുരേഷ്, കല്യാണി പ്രിയദര്‍ശന്‍, സിദ്ദിക്ക് തുടങ്ങിയ വന്‍ താരനിരയാണ് കുഞ്ഞാലി മരക്കാറില്‍ ഉള്ളത്.
