മമ്മൂട്ടിയിലെ താരത്തിന് പുതുജീവൻ സമ്മാനിച്ച സിനിമയാണ് നവാഗതനായ ഹനീഫ് അദേനി സംവിധാനം നിർവഹിച്ച ദി ഗ്രേറ്റ് ഫാദർ. ആദ്യ ദിന കളക്ഷൻ 4.21 കോടി രൂപ നേടിയാണ് ബോക്സ്‌ ഓഫീസിൽ തന്റെ സാന്നിധ്യം അറിയിച്ചത്. വെറും 19 ദിവസം കൊണ്ടാണ് ചിത്രം 50 കോടി ക്ലബിൽ ഇടംപിടിച്ചത്. വെറും 6 കോടി ബജറ്റിൽ ഇറങ്ങിയ ചിത്രത്തിന് ലഭിക്കുന്ന ഏറ്റവും വലിയ വിജയം തന്നെയാണ് 50 കോടി ക്ലബ്.
കേരളത്തിൽ നിന്നും ഗൾഫ് മേഖലകളിൽ നിന്നും ഏതാണ്ട് അറുപതു കോടിയോളം രൂപ നേടിയ ദി ഗ്രേറ്റ് ഫാദർ മമ്മൂട്ടി എന്ന നടന്റെ കരിയറിലെ തന്നെ വലിയ ഹിറ്റുകളിലൊന്നാണ്. ചിത്രം നൂറ് ദിവസം പിന്നിട്ടതിന്റെ ആഘോഷം അണിയറ പ്രവര്‍ത്തകര്‍ കൊണ്ടാടുകയും ചെയ്തു. സ്നേഹ, ബേബി അനിഘ, ആര്യ, മിയ എന്നിവരായിരുന്നു പ്രാധാന കഥാപാത്രങ്ങളെ അവതരിപ്പിച്ചത്.
