കാര്‍പെറ്റില്‍ നടന്ന് വന്നപ്പോള്‍ പോലും പലരും മമ്മൂട്ടിയെ ശ്രദ്ധിച്ചില്ലത്രെ. എന്നാല്‍ നിവിന്‍ പോളി എത്തിയപ്പോള്‍ എല്ലാവരുടെയും ശ്രദ്ധ യുവതാരത്തിലായി. കാര്‍പെറ്റിലും നടനെ സ്വീകരിക്കാന്‍ ആളുണ്ടായിരുന്നു. അല്ലു അർജ്ജുൻ വന്നപ്പോൾ നിവിനെ കെട്ടിപ്പിടിച്ച് സ്വാഗതം ചെയ്തു. ബാഹുബലി താരം റാണ ദഗുപതി വന്നപ്പോഴും നിവിന്‍ പോളിയെ കെട്ടിപ്പിടിച്ച് സ്വാഗതം ചെയ്തു മടങ്ങി.
ഫുൾടൈം ഫോണിൽ തന്നെയായിരുന്നു മെഗാസ്റ്റാർ. പുരസ്‌കാരം നേടിയ യുവതാരങ്ങളോടൊക്കെ എനിക്ക് അസൂയ തോന്നുന്നു എന്ന് മെഗാസ്റ്റാര്‍ പറഞ്ഞു. ഈ ചെറിയ പ്രായത്തില്‍ തന്നെ അവര്‍ പുരസ്‌കാരങ്ങള്‍ നേടുന്നുവെന്നും മമ്മൂട്ടി വ്യക്തമാക്കി. ഒരു നടന്‍ എന്ന നിലയില്‍ ഞാനിപ്പോഴും കഷ്ടപ്പെട്ടുകൊണ്ടിരിയ്ക്കുകയാണെന്നാണ് മമ്മൂട്ടി പറഞ്ഞത്.
