'ലിയോ'ഓണ്‍ലൈന്‍ ബുക്കിംഗ് ഞായറാഴ്ച ആരംഭിച്ചത് മുതല്‍ വന്‍ പ്രതികരണമാണ് ലഭിച്ചുകൊണ്ടിരിക്കുന്നത്. ഒറ്റ ദിവസം കൊണ്ട് മൂന്നര ലക്ഷത്തോളം ടിക്കറ്റുകള്‍ വിറ്റുപോയെന്നാണ് റിപ്പോര്‍ട്ടുകള്‍. വില്‍പ്പന തുടങ്ങി ആദ്യ ഒരു മണിക്കൂറില്‍ തന്നെ 80,000 ടിക്കറ്റുകള്‍ വിറ്റുപോയി.ആലപ്പുഴ, എറണാകുളം, ഇടുക്കി, കണ്ണൂര്‍, കോട്ടയം എന്നിവിടങ്ങളിലാണ് ഏറ്റവും അധികം ടിക്കറ്റുകള്‍ വിറ്റു പോയിരിക്കുന്നത്.
ജയിലര്‍ ആദ്യ ദിവസം നേടിയത് 5.85 കോടി രൂപയാണ്. ഇതിനെ പ്രീ സെയില്‍സ് കൊണ്ട് തന്നെ ലിയോ മറികടക്കും എന്നാണ് പ്രതീക്ഷിക്കുന്നത്. നാലു മണിക്കുള്ള ഷോ കഴിഞ്ഞാല്‍ ഏഴുമണിക്കും ഷോ കേരളത്തില്‍ ഉണ്ടാകും. കേരളത്തില്‍ ഇതുവരെ നേടിയിട്ടുള്ള ആദ്യദിന കളക്ഷന്‍ റെക്കോര്‍ഡുകള്‍ എല്ലാം ലിയോ മറികടക്കും എന്നാണ് പ്രതീക്ഷിക്കുന്നത്.
