ദൃശ്യം 2ൻറെ സെറ്റില്‍ മോഹന്‍ലാല്‍ ജോയിന്‍ ചെയ്തു. കൂടുതല്‍ ചെറുപ്പക്കാരനായ ജോർജുകുട്ടിയുടെ ചിത്രം മോഹൻലാൽ പങ്കുവെച്ചു. എല്ലാ കോവിഡ് സുരക്ഷ മാനദണ്ഡങ്ങളും പാലിച്ചുകൊണ്ടാണ് ചിത്രീകരണമെന്നും അദ്ദേഹം പറഞ്ഞു. ജിത്തു ജോസഫിനും ആൻറണി പെരുമ്പാവൂരിനും ഒപ്പമുള്ള ഒരു ചിത്രവും അദ്ദേഹം സോഷ്യൽ മീഡിയയിലൂടെ പങ്കുവെച്ചിട്ടുണ്ട്.
സിനിമയുടെ ചിത്രീകരണം ആലുവയിലാണ് പുരോഗമിക്കുന്നത്. മോഹൻലാൽ, മീന, അൻസിബ, എസ്തർ, എന്നീ താരങ്ങളെ കൂടാതെ സിദ്ദിഖ്, ആശാ ശരത്ത്, സായ്കുമാർ, മുരളി ഗോപി, ഗണേഷ് കുമാർ, സുമേഷ്, ആദം അയൂബ്, അഞ്ജലി നായർ, അജിത് കൂത്താട്ടുകുളം എന്നീ വൻ താരനിരതന്നെ ചിത്രത്തിലുണ്ട്.
