2003ല്‍ പുറത്തിറങ്ങിയ 'സി.ഐ.ഡി. മൂസ' തിയേറ്ററുകളില്‍ വിജയം ആയിരുന്നോ എന്ന് ഇപ്പോഴും ആരാധകര്‍ തിരയുന്നുണ്ട്. ജൂലൈ നാലിന് 20 വര്‍ഷം പൂര്‍ത്തിയാക്കിയ സിനിമയുടെ രണ്ടാം ഭാഗം ഒരുങ്ങുന്നുണ്ടെന്നാണ് റിപ്പോര്‍ട്ടുകള്‍. ജോണി ആന്റണിയുടെ സംവിധാനത്തില്‍ ഗ്രാന്റ് പ്രൊഡക്ഷന്‍സിന്റെ ബാനറില്‍ ദിലീപ്, അനൂപ് എന്നിവര്‍ ചേര്‍ന്ന് നിര്‍മ്മിച്ച ചിത്രം നാല് കോടി ബജറ്റിലാണ് നിര്‍മ്മിച്ചത്.
ദിലീപ്, മുരളി, ജഗതി ശ്രീകുമാര്‍, ഹരിശ്രീ അശോകന്‍, ഭാവന എന്നിവരാണ് പ്രധാന വേഷങ്ങളില്‍ എത്തിയത്.ഉദയകൃഷ്ണ, സിബി കെ. തോമസ് എന്നിവര്‍ ചേര്‍ന്നാണ് കഥയും തിരക്കഥയും സംഭാഷണവും എഴുതിയത്.
