വമ്പന്‍ താരനിരയാണ് ചിത്രത്തില്‍. കുഞ്ചാക്കോ ബോബൻ, ടൊവിനോ തോമസ്, റഹ്മാൻ, രേവതി, ഇന്ദ്രജിത്ത് സുകുമാരൻ, ആസിഫ് അലി, റിമ കല്ലിങ്കല്‍, ഇന്ദ്രൻസ്, പാര്‍വതി തിരുവോത്ത്, പൂർണിമ ഇന്ദ്രജിത്ത്, രമ്യ നമ്പീശന്‍, ദിലീഷ് പോത്തന്‍, ശ്രീനാഥ് ഭാസി, മഡോണ സെബാസ്റ്റ്യൻ, ജോജു ജോർജ്, ശെന്തിൽ ക്രഷ്ണ, സൌബിന്‍ ഷാഹിര്‍, ഷറഫുദ്ദീൻ അങ്ങനെ നീളുന്നു താരങ്ങളുടെ പട്ടിക.
ഒ പി എമ്മിന്‍റെ ബാനറില്‍ റിമ കല്ലിങ്കലാണ് വൈറസ് നിര്‍മ്മിക്കുന്നത്. രാജീവ് രവിയാണ് ഛായാഗ്രഹണം. മുഹ്‌സിന്‍ പെരാരി, സുഹാസ്, ഷറഫു എന്നിവര്‍ ചേര്‍ന്നാണ് രചന നിര്‍വഹിക്കുന്നത്.
കോഴിക്കോട്, മലപ്പുറം ജില്ലകളില്‍ ആയിരുന്നു നിപ്പാ വൈറസ് ബാധ റിപ്പോര്‍ട്ട് ചെയ്തത്. പേരാമ്പ്ര താലൂക്ക് ആശുപത്രിയിലെ നഴ്‌സ് ആയിരുന്ന ലിനി നിപ്പ ബാധയെ തുടര്‍ന്ന് മരിച്ചപ്പോള്‍ കേരളം ശരിക്കും കണ്ണീര്‍ വാര്‍ത്തു. ഭര്‍ത്താവിനായി ലിനി അവസാനം എഴുതിയ കത്ത് ലോകമാധ്യമങ്ങളില്‍ പോലും വാര്‍ത്തയായി. ഏറെ ഭയന്നെങ്കിലും കേരളം നിപ്പാ വൈറസിനെ അതിജീവിച്ചു.
