പക്ഷേ, മലയാളത്തിലെ മികച്ച സംവിധായകനായ അടൂർ ഇതുവരെ മോഹൻലാലുമൊത്ത് ഒരു സിനിമ പോലും ചെയ്തിട്ടില്ല. മോഹൻലാലിനോടുള്ള വിരോധം കൊണ്ടാണോയെന്ന ചോദ്യം അടുത്തിടെ അദ്ദേഹം അഭിമുഖത്തിൽ നേരിടേണ്ടി വന്നിരുന്നു. അന്ന് അദ്ദേഹം പറഞ്ഞ മറുപടി ഇങ്ങനെ:
”എനിക്ക് വളരെ ഇഷ്ടമുള്ള നടനാണ് സുരേഷ് ഗോപി. അദ്ദേഹവുമൊത്ത് ഞാൻ ഒരു പടം പോലും ചെയ്തിട്ടില്ല.നല്ലൊരു നടനാണ് ജയറാം. എന്റെ ഒരു പടത്തിൽ അഭിനയിക്കണം എന്ന് ജയറാം എന്നോട് പറഞ്ഞിട്ടുണ്ട്. പക്ഷെ, ഇതുവരെ അതിനു കഴിഞ്ഞിട്ടില്ല. ദിലീപിനെ എനിക്ക് വലിയ ഇഷ്ടമാണ്. ഈ അടുത്തിടെയാണ് അതിനൊരു അവസരം കിട്ടിയത്.‘
‘നമ്മുടെ സിനിമയിലെ കഥാപാത്രത്തിന് ചേരുന്ന ഒരാളെയല്ലേ നമുക്ക് കാസ്റ്റ് ചെയ്യാൻ പറ്റുവൊള്ളൂ. മാത്രമല്ല, ഞാൻ വളരെ കുറച്ച് പടമല്ലേ എടുത്തിട്ടൊള്ളൂ. ചില പടങ്ങളിൽ അങ്ങനെ ഒരു അറിയപ്പെടുന്ന നടനെ ആവശ്യമില്ല എനിക്ക്. അപ്പോൾ അതിലൊക്കെ അതിനുവേണ്ട അഭിനേതാക്കൾ അഭിനയിക്കും. അല്ലാതെ, എനിക്ക് ആരോടും വിരോധം ഉണ്ടായിട്ട് എടുക്കാത്തതല്ല” :- അടൂർ ഗോപാലകൃഷ്ണൻ അഴിമുഖം മാധ്യമത്തിന് നൽകിയ അഭിമുഖത്തിൽ പറഞ്ഞത്.
