മുഖ്യമന്ത്രിയുടെ ദുരിതാശ്വാസനിധിയില്‍ രണ്ടു കോടി രൂപ സംഭാവന നല്‍കി നടന്‍ പ്രഭാസ്. കേരളം നേരിട്ട ഏറ്റവും വലിയ ദുരന്തമാണ് വയനാട്ടില്‍ സംഭവിച്ചതെന്നും ഈ സാഹചര്യത്തില്‍ എല്ലാവരും കേരളത്തിനൊപ്പം നിലകൊള്ളണമെന്നും പ്രഭാസ് പറഞ്ഞു. പ്രളയ കാലത്തും പ്രഭാസ് കേരളത്തെ സഹായിച്ചിരുന്നു. സിനിമാ മേഖലയില്‍നിന്ന് നിരവധി പേരാണ് ഉരുള്‍പൊട്ടല്‍ ദുരിതാശ്വാസനിധിയിലേക്ക് സംഭാവനകള്‍ നല്‍കിയത്. നേരത്തെ തെലുങ്ക് സിനിമ രംഗത്തുനിന്ന് ചിരഞ്ജീവിയും രാംചരണും അല്ലു അര്‍ജുനും സംഭാവനകള്‍ നല്‍കിയിരുന്നു.
