ദിലീപിന്‍റെ കരിയറിലെ വഴിത്തിരിവായിരുന്നു സല്ലാപം എന്ന ചിത്രം. ‘കല്യാണരാമന്‍’ ആകട്ടെ ദിലീപിന്‍റെ ഏറ്റവും വലിയ മെഗാഹിറ്റുകളിലൊന്ന്. സല്ലാപത്തിന്‍റെ സംവിധായകനും കല്യാണരാമന്‍റെ തിരക്കഥാകൃത്തും ഒരുമിച്ചാലോ? അതില്‍ ദിലീപ് തന്നെ നായകനായാലോ? അതേ, അങ്ങനെയൊരു പ്രൊജക്ട് സംഭവിക്കുകയാണ്.
സല്ലാപം, കുടമാറ്റം, വര്‍ണക്കാഴ്ചകള്‍, കുബേരന്‍ എന്നീ ദിലീപ് ചിത്രങ്ങള്‍ സുന്ദര്‍ദാസ് സംവിധാനം ചെയ്തിട്ടുണ്ട്. 2013ല്‍ ‘റബേക്ക ഉതുപ്പ് കിഴക്കേമല’ എന്ന ചിത്രമാണ് സുന്ദര്‍ദാസ് ഒടുവില്‍ സംവിധാനം ചെയ്തത്.
മന്ത്രമോതിരം, കല്യാണരാമന്‍, കുഞ്ഞിക്കൂനന്‍, ചാന്തുപൊട്ട്, മേരിക്കുണ്ടൊരു കുഞ്ഞാട്, സ്പാനിഷ് മസാല, സൌണ്ട് തോമ എന്നിവയാണ് ബെന്നി പി നായരമ്പലം തിരക്കഥയെഴുതിയ ദിലീപ് ചിത്രങ്ങള്‍.
