താന്‍ സൃഷ്ടിച്ച പാട്ടുകള്‍ മാറ്റുന്നതിനായി പൃഥ്വിരാജ് ശ്രമിച്ചെന്ന സംഗീത സംവിധായകന്‍ രമേശ് നാരായണന്‍റെ തുറന്നുപറച്ചില്‍ വലിയ വിവാദമായി മാറിയിരിക്കുന്നു. വിവാദം വേറെ തലത്തിലേക്ക് പോകുന്നതായാണ് കാണാനാകുന്നത്. ആര്‍ എസ് വിമല്‍ സംവിധാനം ചെയ്യാനിരുന്ന പൃഥ്വിരാജ് ചിത്രം ‘കര്‍ണന്‍’ ഉപേക്ഷിക്കപ്പെട്ടതായി സൂചനകള്‍ വരുന്നു. വിമലും പൃഥ്വിരാജും തമ്മില്‍ തെറ്റിയതായും റൂമറുകള്‍ പ്രചരിക്കുന്നു.
ഇപ്പോള്‍ കേള്‍ക്കുന്നത് പക്ഷേ അത്ര ശുഭകരമായ വാര്‍ത്തയല്ല. ‘കര്‍ണന്‍’ ഉപേക്ഷിക്കാന്‍ പൃഥ്വിരാജ് തീരുമാനിച്ചതായി ചില മാധ്യമങ്ങള്‍ റിപ്പോര്‍ട്ട് ചെയ്തു. എന്ന് നിന്‍റെ മൊയ്തീനിലെ പാട്ടുവിവാദത്തില്‍ ആര്‍ എസ് വിമലിന്‍റെ ചില പ്രതികരണങ്ങളോട് പൃഥ്വിരാജിന് വിയോജിപ്പും അനിഷ്ടവും ഉള്ളതിനാല്‍ ഇനി വിമലുമായി ഒത്തുപോകാന്‍ പറ്റില്ലെന്ന നിലപാട് പൃഥ്വി സ്വീകരിച്ചതായി ചില റിപ്പോര്‍ട്ടുകളില്‍ പറയുന്നു.
