മോഹന്‍ലാല്‍ പറഞ്ഞു - ‘ദൃശ്യം’ കമല്‍ഹാസന്‍ ചെയ്താല്‍ കലക്കും, അത് സത്യമായി, പാപനാശത്തിന് ലാഭം കോടികള്‍!
ഓരോ ദിവസവും കളക്ഷന്‍ കൂടിക്കൂടി വരുന്ന കാഴ്ചയാണ് കാണാനാകുന്നത്. കമല്‍ഹാസന്‍റെ തകര്‍പ്പന്‍ പ്രകടനവും സ്ട്രോംഗ് തിരക്കഥയുമാണ് പാപനാശത്തെ മഹാവിജയമാക്കി മാറ്റുന്നത്. കലാഭവന്‍ മണി, ആശാ ശരത് എന്നിവരുടെ അഭിനയവും ജനപ്രീതി നേടി.
അതേസമയം, ചിത്രത്തിന്‍റെ വിജയാഘോഷത്തിനിടെ കമല്‍ഹാസന്‍ മലയാളത്തിന്‍റെ ഇതിഹാസനായകന്‍ മോഹന്‍ലാലിന് നന്ദി പറഞ്ഞു. ദൃശ്യത്തിന്‍റെ തമിഴ് റീമേക്കില്‍ ആരഭിനയിക്കണമെന്ന ആലോചന വന്നപ്പോള്‍ ‘കമല്‍ഹാസന്‍ ചെയ്താല്‍ ഗംഭീരമാകും’ എന്ന് മോഹന്‍ലാലാണ് നിര്‍ദ്ദേശം വച്ചതത്രേ. തന്‍റെ പേര് നിര്‍ദ്ദേശിച്ച മോഹന്ലാലിന്റെ നല്ല മനസിന് എത്ര നന്ദി പറഞ്ഞാലും മതിയാകില്ലെന്ന് കമല്‍ പറയുന്നു.
