മോഹന്‍ലാലും മമ്മൂട്ടിയും തമ്മില്‍ നടക്കുന്ന മത്സരം കഴിഞ്ഞ മൂന്ന് പതിറ്റാണ്ടിലധികമായി മലയാള സിനിമാ പ്രേക്ഷകര്‍ കാ‍ണാന്‍ തുടങ്ങിയതാണ്. അത് ആരോഗ്യകരമായ മത്സരമായിരുന്നു. എന്നാല്‍ ഒറ്റച്ചിത്രത്തിലൂടെ താരമായി മാറിയ, മമ്മൂട്ടിയുടെ മകന്‍ ദുക്കര്‍ സല്‍മാനും യൂണിവേഴ്സല്‍ സ്റ്റാറും തമ്മില്‍ ഇപ്പോള്‍ നടക്കുന്ന യുദ്ധം എല്ലാ സീമകളും ലംഘിക്കുകയാണ്.
മോഹന്ലാലിന്റെ ‘കാസനോവ’യെ പരോക്ഷമായി സൂചിപ്പിച്ചുകൊണ്ട് എറണാകുളത്തെ ഒരു തിയേറ്റര്‍ കോം‌പ്ലക്സിനെതിരെ ദുല്ക്കര് സല്‍മാന്‍ രംഗത്തെത്തി. തന്‍റെ ‘സെക്കന്‍റ് ഷോ’ എന്ന ഹിറ്റ് ചിത്രത്തെ മാറ്റിനിര്‍ത്തി ‘കാസനോവ’ പ്രദര്‍ശിപ്പിച്ച തിയേറ്റര്‍ ഉടമയുടെ നടപടിയെ ചോദ്യം ചെയ്തുകൊണ്ടാണ് ദുല്‍ഖര്‍ സല്‍മാന്‍ ഫേസ്ബുക്കിലൂടെ ആക്രമണം നടത്തിയിരിക്കുന്നത്.
സരിത തിയേറ്ററില്‍ നിന്ന് സെക്കന്‍റ് ഷോയെ മാറ്റുകയും പകരം ഈ വര്‍ഷത്തെ ‘മെഗാ ഫ്ലോപ്പ് ചിത്രം’ പ്രദര്‍ശിപ്പിക്കുകയും ചെയ്ത നടപടിക്കെതിരെയാണ് ദുല്ക്കര് രോഷം കൊള്ളുന്നത്. സെക്കന്‍റ് ഷോയെ ഒഴിവാക്കിയ നടപടിക്കെതിരെ സരിതയ്ക്ക് മുന്നില്‍ പതിച്ച ഒരു പോസ്റ്ററിന്‍റെ ചിത്രം ഫേസ്ബുക്കില്‍ പോസ്റ്റ് ചെയ്യുകയും ചെയ്തിരിക്കുന്നു ദുല്ക്കര്. അതിന് ശേഷം ദുല്‍ക്കറിന്‍റെ കുറിപ്പ് ഇങ്ങനെയാണ്:
“ഇതൊരു ഫാന്‍ വാറിന് ഉള്ളതല്ല... എന്നാലും നല്ല ഒരു സിനിമയെ തിയേറ്റര്‍ മാനേജ്മെന്‍റ് അവഗണിക്കുന്നത് ശരിയാണോ... നല്ല സിനിമ വരാത്തതുകൊണ്ടാണ് തമിഴ് സിനിമ എടുക്കുന്നത് എന്ന് വിളിച്ചു പറഞ്ഞ ഇതേ മാനേജ്മെന്‍റ് ഒരു കൊച്ചു സിനിമയോട് ഇങ്ങനെ ചെയ്യാന്‍ പാടുണ്ടോ..?”
മോഹന്‍ലാലിനെതിരെ പരസ്യമായ യുദ്ധത്തിന് മമ്മൂട്ടി പോലും തയ്യാറായിട്ടില്ല എന്ന വസ്തുത നിലനില്‍ക്കെയാണ് ദുല്ക്കര് സല്‍മാന്‍റെ ഈ പടപ്പുറപ്പാട്‌.
ചിത്രത്തിന് കടപ്പാട് - ദുല്ക്കര് സല്‍മാന്‍റെ ഫേസ്ബുക്ക് പോസ്റ്റ്
അടുത്ത പേജില്‍: ദുല്‍ക്കറിനൊപ്പം അഭിനയിക്കുന്നില്ല - മോഹന്‍ലാല്‍
PRO
മോഹന്‍ലാലും ദുല്ക്കര് സല്‍മാനും ഒന്നിക്കുന്ന ചിത്രത്തില്‍ നിന്ന് മോഹന്‍ലാല്‍ പിന്‍‌മാറിയിരിക്കുന്നു എന്നാണ് റിപ്പോര്‍ട്ടുകള്‍. പോക്കിരിരാജ, സീനിയേഴ്സ്, മല്ലു സിംഗ് തുടങ്ങിയ സിനിമകളൊരുക്കിയ വൈശാഖ് സംവിധാനം ചെയ്യുന്ന പുതിയ ചിത്രത്തിലാണ് ദുല്ക്കര് സല്‍മാനും മോഹന്‍ലാലും ഒന്നിക്കാനിരുന്നത്. എന്നാല്‍ അങ്ങനെയൊരു പ്രൊജക്ടിനെക്കുറിച്ച് തനിക്കറിയില്ലെന്നാണ് മോഹന്‍ലാല്‍ ഇപ്പോള്‍ പറഞ്ഞിരിക്കുന്നത്.
“അങ്ങനെ ഒരു പ്രൊജക്ടിന്‍റെ കഥയോ മറ്റു കാര്യങ്ങളോ അറിയില്ല. ഇതുവരെ അത്തരമൊരു പ്രൊജക്ടിനെ പറ്റി ആരുമായും ചര്‍ച്ച നടന്നിട്ടുമില്ല.” - മോഹന്‍ലാല്‍ പ്രതികരിച്ചു.
“മോഹന്‍ലാല്‍ അങ്കിളുമൊത്ത് ഉടന്‍ ഒരു സിനിമ ചെയ്യു”മെന്ന് ഒരു അഭിമുഖത്തിലൂടെ പ്രഖ്യാപിച്ചത് ദുല്ക്കര് സല്‍മാന്‍ തന്നെയാണ്. എന്നാല്‍ അങ്ങനെയൊരു പ്രൊജക്ടിനെപ്പറ്റി അറിയില്ലെന്ന് മോഹന്‍ലാല്‍ വ്യക്തമാക്കിയതോടെ അണിയറയില്‍ എന്തൊക്കെയോ നടക്കുന്നുണ്ട് എന്നത് വ്യക്തമായി.
അടുത്ത പേജില്‍ - മമ്മൂട്ടി ഫാന്‍സ് ദുല്‍ക്കറിനൊപ്പം!
PRO
മമ്മൂട്ടിയുടെയും മോഹന്‍ലാലിന്‍റെയും ഫാന്‍സുകള്‍ തമ്മിലുള്ള ഏറ്റുമുട്ടല്‍ ഒരു പുതിയ വാര്‍ത്തയല്ല. അത് ഇരുവരുടെയും സിനിമകള്‍ ഒന്നിച്ച് റിലീസ് ചെയ്യുമ്പോഴൊക്കെ കാണാറുള്ളതാണ്. എന്നാല്‍ മമ്മൂട്ടി ഫാന്സിന്റെ പൂര്‍ണ പിന്തുണയോടെയാണ് യുവതാരം ദുല്ക്കര് സല്‍മാന്‍ ചുവടുവയ്ക്കുന്നത് എന്നതാണ് പുതിയ റിപ്പോര്‍ട്ടുകള്‍ സൂചിപ്പിക്കുന്നത്.
ദുല്‍ക്കറിന്‍റെ സെക്കന്‍റ് ഷോയുടെ പ്രചരണത്തിനും സിനിമ വിജയിപ്പിക്കാനുള്ള പരിശ്രമത്തിനുമൊക്കെ മമ്മൂട്ടി ഫാന്സിന്റെ പൂര്‍ണ സഹകരണമുണ്ടായിരുന്നുവത്രെ. മാത്രമല്ല, സോഷ്യല്‍ നെറ്റുവര്‍ക്കിംഗ് സൈറ്റുകളില്‍ നടക്കുന്ന ഫാന്‍സ് യുദ്ധങ്ങളില്‍ ദുല്‍ക്കറിന് വേണ്ടി മമ്മൂട്ടി ആരാധകര്‍ നിലയുറപ്പിച്ചിരിക്കുകയാണ്.
എന്തായാലും കാസനോവയെ ആക്രമിച്ചുകൊണ്ടുള്ള ദുല്‍ക്കറിന്‍റെ ഫേസ്ബുക്ക് പോസ്റ്റ് വരും ദിവസങ്ങളില്‍ മോഹന്‍ലാല്‍ ഫാന്‍സ് ഏറ്റെടുക്കുമെന്നാണ് സൂചന. “ഇതൊരു ഫാന്‍ വാറിന് ഉള്ളതല്ല...” എന്ന് ദുല്ക്കര് കുറിക്കുന്നുണ്ടെങ്കിലും ഈ പോരിന്‍റെ വികാസപരിണാമങ്ങള്‍ കാത്തിരുന്ന് കാണുകതന്നെ.
