മോഹന്‍ലാലും ജയരാജും തമ്മില്‍ എന്താണ് പ്രശ്നം? അങ്ങനെയൊരു ചോദ്യം ആരുടെയും മനസില്‍ ഉയരാം. കാരണം, മലയാളത്തിലെ ഏറ്റവും പ്രതിഭാധനരായ സംവിധായകരില്‍ ഒരാളാണ് ജയരാജ്. മലയാളത്തിലെ ഏറ്റവും മികച്ച നടന്‍‌മാരില്‍ ഒരാളായ മോഹന്‍ലാലുമൊത്ത് അദ്ദേഹത്തിന് സിനിമ ചെയ്യാന്‍ കഴിഞ്ഞിട്ടില്ല.
‘ദേശാടനം’ എന്ന സിനിമയ്ക്ക് ശേഷം മോഹന്ലാലിന്റെ നിര്‍മ്മാണക്കമ്പനി ഒരു ചിത്രം ചെയ്യാന്‍ ജയരാജിനെ ക്ഷണിച്ചതാണ്. ആ പ്രൊജക്ട് ഏറെ മുന്നോട്ടുപോകുകയും തന്‍റെ ദക്ഷിണാഫ്രിക്കന്‍ യാത്ര പോലും അതിനായി മോഹന്‍ലാല്‍ മാറ്റിവയ്ക്കുകയും ചെയ്തതാണ്. എന്നാല്‍ അവസാന നിമിഷം വ്യക്തിപരമായ ഒരു കാരണത്താല്‍ ജയരാജ് ആ പ്രൊജക്ടില്‍ നിന്ന് പിന്‍‌മാറി.
