മേജര്‍ രവിയുടെ അടുത്ത ചിത്രത്തില്‍ നായകനായി നിവിന്‍ പോളി എത്തുന്നു. മേജര്‍ രവി പരീക്ഷിക്കാത്ത മേഖലയായ റൊമാന്റിക്കാണ് ചിത്രത്തിന്റെ കഥതന്തുയെന്നാണ് റിപ്പോര്‍ട്ടുകള്‍. നിവിന്‍ പോളിയെ നായകനാക്കി ഒരുക്കുന്ന ഈ ചിത്രം യഥാര്‍ത്ഥ സംഭവത്തെ ആസ്പദമാക്കിയുള്ള പ്രണയ ചിത്രമാണെന്നും പറയുന്നു. അതേസമയം ചിത്രത്തിന്റെ തിരക്കഥ പൂര്‍ത്തിയായിട്ടില്ലെന്നും ഈ വര്‍ഷം അവസാനത്തോടെ മാത്രമേ ചിത്രീകരണം ആരംഭിക്കുകയുള്ളൂയെന്നുമാണ് പുറത്തുവരുന്ന റിപ്പോര്‍ട്ടുകള്‍.
ഇനിയും പേര് തീരുമാനിച്ചിട്ടില്ലാത്ത ഈ ചിത്രത്തിലൂടെ ജോമോന്‍ ടി ജോണ്‍ നിര്‍മാതാവായി തുടക്കം കുറിയ്ക്കുകയാണ്. നിര്‍മാണത്തിനു പുറാമേ ചിത്രത്തിന്റെ ഛായാഗ്രാഹണം നിര്‍വ്വഹിയ്ക്കുന്നതും ജോമോന്‍ തന്നെയാണെന്നാണ് വിവരം. ഗോപി സുന്ദറാണ് ചിത്രത്തിന് സംഗീത സംവിധാനം നിര്‍വ്വഹിയ്ക്കുന്നത്. നിവിന്റെ നായികയായി അഭിനയിക്കുന്നത് ഒരു പുതുമുഖ നടിയായിരിക്കുമെന്നും റിപ്പോര്‍ട്ടുകള്‍ പറയുന്നു.
