അപ്പോള്‍ അതിനുമുമ്പ് ഒരു മമ്മൂട്ടിച്ചിത്രം പ്രതീക്ഷിക്കാമോ? തീര്‍ച്ചയായും പ്രതീക്ഷിക്കാം, ഒന്നല്ല രണ്ടുപടം. അതേ, ‘സ്ട്രീറ്റ് ലൈറ്റ്സ്’ എന്ന സിനിമയാണ് മമ്മൂട്ടിയുടെ അടുത്ത റിലീസ്. മലയാളത്തില്‍ എത്തുന്ന അന്നുതന്നെ തമിഴ് പതിപ്പും റിലീസ് ചെയ്യും.
താന്‍ സംവിധാനം ചെയ്യുന്ന ആദ്യ സിനിമയില്‍ മമ്മൂട്ടി നായകനാകണമെന്നായിരുന്നു ഷാംദത്തിന്‍റെ ആഗ്രഹം. അതിനായി മമ്മൂട്ടിയുടെ അടുക്കല്‍ കഥ പറയാനെത്തി. പറഞ്ഞ കഥ കേട്ട് ത്രില്ലടിച്ച മമ്മൂട്ടി “ഈ സിനിമ എത്ര പെട്ടെന്ന് തുടങ്ങാന്‍ പറ്റും?” എന്നാണ് അന്വേഷിച്ചത്. മാത്രമല്ല, കഥയില്‍ ആവേശം കയറിയ മമ്മൂട്ടി താന്‍ തന്നെ പടം നിര്‍മ്മിക്കാമെന്നും അറിയിച്ചു.
