ഇന്നലെ വരെ ആമിര്‍ഖാന്‍ നായകനായ 'പികെ' ആയിരുന്നു, ഇന്ത്യയിലെ പണംവാരി പടങ്ങളുടെ പട്ടികയിൽ ഒന്നാമത് നിന്നത്. ഈ റെക്കോർഡ് ആണ് ബാഹുബലി 2 തകർത്തിരിക്കുന്നത്. പികെയുടെ ആജീവനാന്ത ആഗോള കളക്ഷന്‍ 743 കോടി ആയിരുന്നെങ്കില്‍ ഒരാഴ്ച തികയും മുന്‍പേ ലോകമെമ്പാടും റിലീസ് ചെയ്ത 6500 സ്‌ക്രീനുകളില്‍ നിന്ന് എണ്ണൂറ് കോടി കളക്ഷനോട് അടുക്കുകയാണ് ബാഹുബലി.
തെലുങ്കിനൊപ്പം ഹിന്ദി, മലയാളം, തമിഴ് ഭാഷകളിലും പ്രദര്‍ശനത്തിനെത്തിയ ചിത്രത്തിന്റെ ഹിന്ദി പതിപ്പ് മാത്രം 375 കോടിയാണ് ആറ് ദിവസംകൊണ്ട് നേടിയത്. നാല് ഭാഷകളില്‍ നിന്നുമായി ഇന്ത്യന്‍ ബോക്‌സ്ഓഫീസില്‍ ചിത്രം നേടിയത് 624 കോടിയാണ്.
