കല്യാണം കഴിച്ച് കുറച്ചുനാള്‍ കഴിഞ്ഞപ്പോള്‍ മുതല്‍ നസ്രിയ കേള്‍ക്കാന്‍ തുടങ്ങിയതാണ് ആ ചോദ്യം. എന്നാണ് മടങ്ങിവരുന്നത്? ! അതേ ചോദ്യം തന്നെ ഫഹദ് ഫാസിലിനോടും എല്ലാവരും ചോദിക്കുന്നു - നസ്രിയ എന്ന് മടങ്ങിവരും?. എന്നാല്‍ ഏറ്റവും സങ്കടകരമായ ഒരു ചോദ്യം വേറെയുണ്ട് - ഫഹദ് അനുവദിക്കാത്തതുകൊണ്ടാണോ നസ്രിയ അഭിനയിക്കാത്തത്?
യഥാര്‍ത്ഥത്തില്‍ വിവാഹം കഴിഞ്ഞ് കുറച്ചുദിവസം കഴിഞ്ഞപ്പോള്‍ തന്നെ ഫഹദ് നസ്രിയയോട് ചോദിച്ചതാണ് - എന്താ, ഇനി അഭിനയിക്കുന്നില്ലേ എന്ന്. നല്ല പ്രൊജക്ടുകള്‍ വരുമ്പോള്‍ മാത്രം അഭിനയിക്കാം എന്നത് നസ്രിയയുടെ തീരുമാനമാണ്.
“ഞാന്‍ പറയാറുണ്ട്, നസ്രിയ ആര്‍ക്കുവേണ്ടിയും അഭിനയിക്കരുത്. നസ്രിയയ്ക്ക് വേണ്ടി അഭിനയിക്കണം. നസ്രിയയ്ക്ക് കൊതി തോന്നുന്ന ഒരു സിനിമ വന്നാല്‍ വിടരുത്” - വനിതയ്ക്ക് അനുവദിച്ച അഭിമുഖത്തില്‍ ഫഹദ് ഫാസില്‍ വെളിപ്പെടുത്തുന്നു.
