ജീവിതം ആവര്‍ത്തിക്കാന്‍ ദിലീപ്. ജനപ്രിയനായകന്‍റെ പുതിയ ചിത്രത്തേക്കുറിച്ചാണ് പറയുന്നത്. ശ്രീബാല കെ മേനോന്‍ സംവിധാനം ചെയ്യുന്ന പുതിയ സിനിമയില്‍ ദിലീപ് നായകനാകുന്നു. സുഹാസിനി, ശ്രീനിവാസന്‍ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.
സമീപകാലത്ത് ഏറെ തിരിച്ചടി നേരിട്ട നായകനാണ് ദിലീപ്. അവതാരം, വില്ലാളിവീരന്‍ തുടങ്ങിയ ദിലീപ് ചിത്രങ്ങള്‍ തിയേറ്ററുകളില്‍ തകര്‍ന്നടിഞ്ഞിരുന്നു. എന്തായാലും ക്വാളിറ്റി സിനിമയ്ക്കായുള്ള ശ്രമങ്ങളുടെ ഭാഗമായി മാറാന്‍ ദിലീപ് തീരുമാനിക്കുന്നത് അദ്ദേഹത്തിനും ഇന്‍‌ഡസ്ട്രിക്കും ഗുണം ചെയ്യും എന്നതില്‍ സംശയമൊന്നുമില്ല.
