തെറ്റിനെ ജയിക്കാന്‍ മാര്‍ഗ്ഗം അധര്‍മ്മമെങ്കില്‍, അധര്‍മ്മവും ധര്‍മ്മമാകും, ദൈവം വില്ലനാകും - വില്ലനുമായി മോഹന്‍ലാല്‍ വരുന്നു!
മോഹന്‍ലാലിനെ നായകനാക്കി ബി ഉണ്ണികൃഷ്ണന്‍ സംവിധാനം ചെയ്യുന്ന ‘വില്ലന്റെ’ ഒഫീഷ്യല്‍ ട്രെയിലര്‍ പുറത്തിറങ്ങി. മാത്യു മാഞ്ഞൂരാന്‍ എന്ന മുന്‍പൊലീസ് ഓഫീസറെയാണ് മോഹന്‍ലാല്‍ ചിത്രത്തില്‍ അവതരിപ്പിക്കുന്നത്. ചിത്രത്തിന്റെ പ്രത്യേകതകള്‍ നിരവധിയാണ്. ആരാധകരുടെ പ്രതീക്ഷ വാനോളമുയര്‍ത്താന്‍ ട്രെയിലറിന് കഴിഞ്ഞിട്ടുണ്ട്.
ഈ ചിത്രത്തിന് ആക്ഷന്‍ കോറിയോഗ്രാഫി നിര്‍വഹിക്കുന്നത് പീറ്റര്‍ഹെയ്നാണ്. ഷങ്കര്‍ ചിത്രമായ ‘നന്‍‌പന്‍’ ഷൂട്ട് ചെയ്ത മനോജ് പരമഹംസയായിരിക്കും ക്യാമറ ചലിപ്പിക്കുക. ‘ചിന്നമ്മ കുഞ്ഞിപ്പെണ്ണമ്മ’, ‘മിനുങ്ങും മിന്നാമിനുങ്ങേ’ തുടങ്ങിയ ‘ഒപ്പം’ പാട്ടുകളിലൂടെ ശ്രദ്ധേയരായ 4 മ്യൂസിക്സ് ആണ് സംഗീതസംവിധാനം. വി എഫ് എക്സ് നിര്‍വഹിക്കുന്നത് പോളണ്ടില്‍ നിന്നുള്ള ഒരു കമ്പനിയാണ്.
