ഈ രണ്ട് യുവ സൂപ്പര്‍സ്റ്റാറുകളും ഒന്നിക്കുന്ന സിനിമ സംവിധാനം ചെയ്യുന്നത് സാക്ഷാല്‍ മണിരത്നമാണ്. ‘ഉന്‍ പാര്‍വൈ മട്ടും’ എന്നാണ് ചിത്രത്തിന് പേര് നിശ്ചയിച്ചിരിക്കുന്നത്. ഇതൊരു പ്രണയകഥയല്ല, പ്രതികാര കഥയാണ്. ദുല്‍ക്കര്‍ അവതരിപ്പിക്കുന്ന കഥാപാത്രവും കാര്‍ത്തിയുടെ കഥാപാത്രവും തമ്മില്‍ കണ്ടാല്‍ കൊലപാതകം ഉറപ്പ് എന്ന രീതിയിലുള്ള ഒരു കഥ.
മണിരത്നത്തിന്‍റെ ആദ്യകാല ചിത്രങ്ങളിലൊന്നായ ‘അഗ്‌നിനക്ഷത്രം’ ഓര്‍മ്മയുണ്ടാകുമല്ലോ. ആ സിനിമയില്‍ പരസ്പരം കരുക്കള്‍ നീക്കുന്ന കഥാപാത്രങ്ങളായാണ് പ്രഭുവും കാര്‍ത്തിക്കും അഭിനയിച്ചത്. ദളപതിയില്‍ ആദ്യം മമ്മൂട്ടിയുടെയും രജനിയുടെയും കഥാപാത്രങ്ങള്‍ ശത്രുക്കളായിരുന്നു. രാവണില്‍ വിക്രമും പൃഥ്വിയും ശത്രുക്കള്‍. ഇരുവറില്‍ ഒരു ഘട്ടത്തില്‍ മോഹന്‍ലാലിന്‍റെയും പ്രകാശ് രാജിന്‍റെയും കഥാപാത്രങ്ങള്‍ പരസ്പരം പോരാടി.
