ഞാന്‍ ഒരാളെ കണ്ടെത്തി, വീട്ടില്‍ പറയുകയും ചെയ്തു: ഭാവന
ശനി, 29 ജനുവരി 2011 (17:41 IST)
PRO
തെന്നിന്ത്യയുടെ പുതിയ ഹരം ഭാവനയുടെ വിവാഹം ഉടനെയുണ്ടാകുമെന്ന റിപ്പോര്‍ട്ടുകള്‍ മാസങ്ങള്‍ക്കുമുമ്പേ പ്രചരിക്കുന്നതാണ്. ഈ വാര്‍ത്തകളെല്ലാം ഭാവന നിഷേധിക്കുകയും ചെയ്തു. ഇപ്പോഴും നിഷേധിച്ചുകൊണ്ടേ ഇരിക്കുന്നു. “വിവാഹമോ... എനിക്കോ? വിവാഹം കഴിക്കുന്നതിനെക്കുറിച്ചൊന്നും അടുത്തൊന്നും ആലോചിക്കുന്നതേയില്ല” - ഒരു വനിതാ പ്രസിദ്ധീകരണത്തിന് അനുവദിച്ച അഭിമുഖത്തില്‍ ഭാവന വ്യക്തമാക്കുന്നു.
“ഞായറാഴ്ച ജാതകം നോക്കുന്നു, തിങ്കളാഴ്ച ഒരാളെ കാണുന്നു, ബുധനാഴ്ച ജാതകം കൈമാറുന്നു, വെള്ളിയാഴ്ച കല്യാണം കഴിക്കുന്നു... ഈ വക ഏര്‍പ്പാടിനൊന്നും എന്നെ കിട്ടില്ല. വിവാഹം എന്നത് ആജീവനാന്ത ബന്ധമാണ്. അങ്ങനെയൊരാളെ ജീവിതത്തിലേക്ക് ക്ഷണിക്കുമ്പോള്‍ നമുക്ക് അയാളെ നന്നായി മനസിലാക്കണം. അയാള്‍ക്ക് നമ്മളെയും മനസിലാകണം. അങ്ങനെയാണെങ്കിലേ ജീവിതം മുന്നോട്ടു പോകൂ. അല്ലാതെ അപരിചിതനായ ഒരാളിനുമുന്നില്‍ തല വച്ചുകൊടുക്കാന്‍ ഞാനില്ല” - ഭാവന വ്യക്തമാക്കുന്നു.
അപരിചിതനായ ഒരാളെ തന്‍റെ ജീവിതത്തിലേക്ക് ക്ഷണിക്കില്ലെന്നാണ് ഭാവന പറയുന്നത്. അങ്ങനെയാണെങ്കില്‍, ഭാവന ആരെയെങ്കിലും മനസില്‍ കണ്ടിട്ടുണ്ടോ. “ഉണ്ട്” എന്ന് ഭാവന തുറന്നു പറയുന്നു.
“ഞാന്‍ ഒരാളെ കണ്ടെത്തി. ഈ വിവരം വീട്ടില്‍ എല്ലാവര്‍ക്കും അറിയാം” - ഭാവന പറയുന്നു. ആരായിരിക്കും ആ ആള്‍?
ഭാവനയുടെ മനസ് കീഴടക്കിയ ‘ആ ആള്‍’ - അടുത്ത പേജില്‍
PRO
“പ്രണയിക്കാന്‍ ഞാന്‍ ഒരാളെ കണ്ടെത്തി എന്നത് സത്യമാണ്. പക്ഷേ ഞങ്ങള്‍ തീര്‍ച്ചയായും പ്രണയത്തിലല്ല. അദ്ദേഹം ഇപ്പോള്‍ എന്‍റെ നല്ലൊരു സുഹൃത്ത് മാത്രമാണ്. വിഷമങ്ങളും സന്തോഷങ്ങളുമൊക്കെ പരസ്പരം പറയാവുന്ന ഒരു സുഹൃത്ത്.”
ഇത് ആരെക്കുറിച്ചാണെന്ന് ഭാവന വ്യക്തമാക്കുന്നില്ലെങ്കിലും ഒരു ക്ലൂ ഭാവന തന്നെ നല്‍കുന്നു “ ആള്‍ മലയാളിയല്ല”.
“ഈ വിവരം വീട്ടില്‍ എല്ലാവര്‍ക്കും അറിയാം. അച്ഛനും അമ്മയും ചേട്ടനും അറിയാത്ത ഒരു രഹസ്യവും എന്‍റെ ജീവിതത്തിലില്ല.” - ഭാവന വ്യക്തമാക്കുന്നു.
“എനിക്കിപ്പോള്‍ ഒരു സുഹൃത്തിനെ കിട്ടി. ആ സൌഹൃദം ഞാന്‍ ഉദ്ദേശിക്കുന്നതുപോലെ വന്നില്ലെങ്കില്‍ ചിലപ്പോള്‍ ഞങ്ങളുടെ സൌഹൃദം വേണ്ടെന്നുവയ്ക്കും.” - ഭാവന അറിയിക്കുന്നു.
