ചിമ്പുവുമായുള്ള എന്തെങ്കിലും അഭിപ്രായവ്യത്യാസമല്ല നയന്‍‌താര പ്രൊജക്ടിനോട് സഹകരിക്കാതിരിക്കാന്‍ കാരണം. രണ്ടുകോടി രൂപയാണ് ഈ സിനിമയില്‍ അഭിനയിക്കുന്നതിന് നയന്‍‌സിന് വാഗ്ദാനം ചെയ്തിരുന്നത്. ചിത്രം പൂര്‍ത്തിയാകാറായിട്ടും പ്രതിഫലത്തുകയില്‍ അമ്പതുലക്ഷം രൂപ നയന്‍‌സിന് നല്‍കിയില്ലത്രേ. ഇതോടെ ഷൂട്ടിംഗില്‍ നിന്ന് പിന്‍‌മാറാന്‍ നയന്‍‌താര തീരുമാനിക്കുകയായിരുന്നു എന്നറിയുന്നു.
ചിമ്പു ഇപ്പോള്‍ ശെല്‍‌വരാഘവന്‍ സംവിധാനം ചെയ്യുന്ന ചിത്രത്തില്‍ ജോയിന്‍ ചെയ്തിരിക്കുകയാണ്. നയന്‍‌താരയാകട്ടെ തന്‍റെ തെലുങ്ക് ചിത്രങ്ങളുടെ തിരക്കിലേക്ക് നീങ്ങിക്കഴിഞ്ഞു. ‘ഇത് നമ്മ ആള്’ എന്ന സിനിമയുടെ ബാക്കിഭാഗം സമീപകാലത്തൊന്നും ഷൂട്ട് ചെയ്യാന്‍ കഴിയുമെന്ന വിശ്വാസം ഇപ്പോള്‍ അണിയറപ്രവര്‍ത്തകര്‍ക്കു പോലുമില്ല.
