ജീത്തു ജോസഫ് സംവിധാനം ചെയ്യുന്ന ഈ ഫാമിലി എന്‍റര്‍ടെയ്നര്‍ ഓണം റിലീസായാണ് പ്ലാന്‍ ചെയ്തിരുന്നത്. ദൃശ്യത്തിനു ശേഷം ജീത്തു സംവിധാനം ചെയ്യുന്ന ചിത്രം എന്ന നിലയില്‍ ഏറെ പ്രതീക്ഷയര്‍പ്പിക്കപ്പെട്ട സിനിമയാണിത്. അതുകൊണ്ടുതന്നെ സൂപ്പര്‍താരങ്ങളുടെ സിനിമയ്ക്ക് ഈ ചെറിയ സിനിമ വന്‍ ഭീഷണിയുയര്‍ത്തുമെന്ന് റിപ്പോര്‍ട്ടുകളുണ്ടായിരുന്നു.
മോഹന്‍ലാല്‍ - രഞ്ജിത് ടീമിന്‍റെ ലോഹം, മമ്മൂട്ടി - കമല്‍ ടീമിന്‍റെ ഉട്ടോപ്യയിലെ രാജാവ് എന്നീ വമ്പന്‍ സിനിമകളാണ് ഓണത്തിന് പോരടിക്കാനെത്തുന്നത്. അതിനിടയില്‍ ജോസൂട്ടി കൂടി എത്തിയാല്‍ വമ്പന്‍ താരയുദ്ധം തന്നെ നടക്കുമായിരുന്നു.
