ഷങ്കറിന്‍റെ വിസ്മയ ചിത്രം ബോക്സോഫീസില്‍ കോടികള്‍ വാരുന്നതിനൊപ്പം വിവാദവും കത്തിപ്പടരുകയാണ്. ചിത്രത്തിലൂടെ മൂന്നാം‌ലിംഗക്കാരെ അധിക്ഷേപിച്ചു എന്ന ആരോപണമാണ് ഇപ്പോള്‍ ഷങ്കറിന്‍റെ വീടിന് പൊലീസ് കാവല്‍ വരെ ഏര്‍പ്പെടുത്തേണ്ട അവസ്ഥയില്‍ കൊണ്ടെത്തിച്ചിരിക്കുന്നത്. ട്രാന്സ്ജെന്ഡര് വിഭാഗക്കാര്‍ ചിത്രത്തിനെതിരെ കേസ് ഫയല്‍ ചെയ്യാനൊരുങ്ങുകയാണ്.
സിനിമയില്‍ മൂന്നാം‌ലിംഗക്കാരെ മോശമായി ചിത്രീകരിച്ചിരിക്കുന്നു എന്നാണ് ആരോപണം. മൂന്നാം‌ലിംഗക്കാരെ ചിത്രീകരിച്ചിരിക്കുന്ന രീതി സിനിമയെക്കുറിച്ചുള്ള പല നിരൂപണങ്ങളിലും വിമര്‍ശിക്കപ്പെട്ടിട്ടുണ്ട്. ഷങ്കറിന് വീടിന് മുന്നില്‍ പ്രതിഷേധധര്‍ണ നടത്താന്‍ മൂന്നാം ലിംഗക്കാര്‍ ഒരുങ്ങുന്ന പശ്ചാത്തലത്തിലാണ് വീടിന് പൊലീസ് സുരക്ഷ ഏര്‍പ്പെടുത്തിയിരിക്കുന്നത്.
